赤いイモKINGの地


by patata118

源遠流長嘅粵語文化

作爲一個廣州人,每日睇住俾普通話、英語等語言文化日漸侵蝕,不由得感慨萬千。曾幾何時,走過廣州橫街窄巷,你會聽到卜卜齋入面傳出陣陣文言文嘅讀書聲(注1)。宜傢?你講幾句“屎坑関刀”“風吹皇帝褲浪”,我唸都沒幾個後生仔知你講咩。(天冇眼吖!)

所以我決定,尼個BLOG將會使用番我哋源遠流長又極具古代美感嘅語言嚟書寫(捍衛我哋嘅文化!烈火燃燒中)。

經查据資料,粵語從上古時代便已經係嶺南地區嘅土著“南越”語言(粵語嘅一半),中原古漢語(粵語嘅另一半)係完全吾存在于整個嶺南地區嘅。到咗秦朝,秦始皇揮軍南下,攻取“百越”之地,而漢朝又封咗個咩南越王,所以嶺南地區先至開始有少量中原漢人定居,嶺南土著語言同中原古漢語就咁拉埋一齊,打開咗粵語嘅偉大第一頁。

到咗南北朝時期,戰亂不斷,吾少中原漢人為咗逃避戰亂而走難至嶺南,正所謂:見人講人話,見鬼講鬼話。所以南下走難嘅中原漢人就要學習土話同本地人溝通,而又同土著交流自己嘅漢語文化,致使粵語係尼個時期快速進化發展。

大唐盛世,係粵語開花結果又璀璨耀眼一個時代。尼個時候,漢人不斷南下移居嶺南:一部分土著居民已經被漢化,一部分土著居民被逼遷移至廣西地區(所以白話都係廣西其中一種本土語言),由於粵語進一步受到漢語影響,已經具有獨特嘅語言系統:擁有自己嘅語言體系、詞彙系統同語法結構——即係嶺南同中原已經變成雞同鴨嘅關係囉~

至於宋元明清,米繼續發展囉~~

有一點不得不提,由於唐朝民風相當開放,科考制度又盛行以廣納賢才,於是粵語區開始湧現上京考取功名嘅熱潮。功夫不費有心人,宮内粵語系官員(嶺南、廣西)數量增長非常快速,由於語言上嘅差別,受到排擠自然免不了。所以,雖然粵語並非唐朝官話(據聞唐朝官話近似現代閩南話,人家粵語係秦朝官話啊~ 哈哈~~),但都係唐朝四大流行語中之一,所以當時係京城内使用粵語完全可以通行無阻。至於後面幾個朝代,記得雖然並無確實記載,但都係朝中主要語派之一。

而我哋嶺南離開京城十萬九千里,吾似得中原胡漢混雜形成嘅大雜燴不停咁攪好多野落去,所以廣西、廣東一帶嘅語言文化受其他語言文化影響而至嘅變化非常緩慢,至今仍然完整咁保存當時好多雅言用語。所以點解現時我哋朗誦唐詩宋詞,用粵語朗誦永遠比普通話更押韻、更有古韻味,就係甘解喇。

所以話,你哋啲撈松吾好下下同我哋講正宗吖~ 我哋一齊玩《尋秦記》洩底肯定係你地吖!古代邊有人講普通話嘎~~ XD


注1/此文言文讀法係一種獨特嘅朗誦古韻,千期五好以爲古裝片入面果种奇怪嘅腔調就係啵!由於無法使用文字嘅方式記錄其朗誦韻律,現時除咗少數仲碩果僅存嘅老伯傅會使用尼种至少由唐朝開始流傳幾千年嘅方式朗誦文言文以外,基本可以視爲失傳了(名符其實千年遺珠啊啊啊啊~),記得廣州電視臺應該有一段錄像紀錄。
[PR]
by patata118 | 2006-10-19 17:43 | 中國廣東語